Bolsos para unha nova etapa

   Fai tres meses aceptei a proposta de participar na feira de artesanía de Pontevedra desde o día 28 de xullo ao 6 de agosto de 2017. Foi  un reto importante que supuxo que me pechase no taller moitas horas para poder mostrar un catálogo de pezas de calidade e coherentes co meu concepto de artesanía.

   O resultado poderédelo ver a partir de mañá na praza da Ferrería de Pontevedra. Pero para quen non poida vir a visitarme irei publicando fotos dos meus traballos, algúns que continúan na onda do que xa tedes visto e outros moi novidosos con respecto ao que estou acostumada a facer, como esta colección de bolsos e carteiras que vos presento.

Todos os tecidos son artesanais feitos en tear empregando liño, estopa e algodón. As correas son en coiro natural.